Estas son as principais ameazas que afectan aos peixes do río Miño

No Miño conviven unha gran cantidade de peces como as alosas, o salmón, o reo, as anguías e a lamprea, que migran a través deste río. Con todo, existen unha serie de factores que poden supoñer un risco para o seu benestar, facendo perigar a súa supervivencia e reducindo as súas poboacións. Coñécelos? Estes son algúns deles:

• Contaminación por verteduras de depuradoras e efluentes domésticos e industriais, que causan a perda da calidade química da auga e alteran o réxime hidrolóxico e os procesos biolóxicos.
• Construción de presas e obstáculos infranqueables no leito, que dificultan a migración cara aos frezaderos naturais, reducen o hábitat dispoñible e provocan a perda de calidade hidromorfológica por variacións de caudal.
• Sobrepesca e pesca furtiva, debido ao alto valor comercial dalgúns peixes.
• Introgresión xenética (hibridación entre o sable e a sabella).
• Aumento da dispersión no río dun parasito exótico (Anguillicoloides crassus) que se aloxa na vejiga natatoria das anguías e pode comprometer a súa migración reprodutora.
• Cambio climático, que altera o hábitat polo consecuente aumento da temperatura da auga e aumento na variabilidade dos caudais.