25 Feb Coñece a fondo a bacia do Miño
A superficie total da conca é de 17.048 km2 e o seu perímetro son 1.156 km, drenando gran parte da Galicia interior, o oeste da provincia de León e o norte do Distrito de Viana do Castelo (Portugal). No seu parte superior (Miño Alto) ocupa unha extensión do 27 % do total da conca. Os afluentes máis relevantes nesta área son o río Ladra e o río Neira. En Vos Peares dáse a confluencia do Miño co seu afluente máis importante: o rio Sil, con 7.983 km2 de conca hidrográfica (un 47 % do total da conca do Miño) e de cuxos afluentes destacan: río Bibei, río Cúa, río Boeza e río Cabe. Augas abaixo de Vos Peares (Miño Baixo), o Miño recibe as augas dos ríos Arnoia, Avia, Tea, Coura e Mouro, entre outros. A parte española da conca do rio Miño abarca 16.229 km2 e está xestionada pola Confederación Hidrográfica do Miño–Sil ( CHMS), que ademais xestiona a parte española da conca hidrográfica do rio Limia. A parte portuguesa está xestionada pola Agência Portuguesa do Ambiente, e abarca unha superfície de 809 km2 dentro da Região Hidrográfica do Minho e Lima ( RH1).